Prezıdent LRT jelisin uzartý jáne Qabanbaı batyr dańǵylynda eki deńgeıli jol salý usynysyn qoldady
ASTANA. KAZINFORM — Memleket basshysy jeńil relsti kólik jelisin uzartý jáne Qabanbaı batyr dańǵylynda eki deńgeıli jol salý usynysyn qoldady.
— Jeńil relsti kólik jobasy da óte mańyzdy. Kóp uzamaı ony tolyq iske qosý kerek. Men jeńil relsti kólik jelisin uzartý týraly usynysty qoldaımyn. Bul qadam kólik keptelisin azaıtýǵa múmkindik beretini sózsiz. Úkimet, eń aldymen, jobany qarjylandyrý máselesin sheshýge tıis, — dedi Toqaev.
Memleket basshysy Úkimet ákimdikpen birlesip, Táýelsizdik dańǵylyn uzartý jumysyn jalǵastyrýy kerek ekenin aıtty.
— Sondaı-aq Qabanbaı batyr dańǵylynda eki deńgeıli jol salý týraly usynysqa qoldaý bildiremin. Jobanyń qujattaryn kelesi jyly ázirlep, 2027 jyly qurylysty bastaý qajet. Buǵan qosa, Úkimet ákimdikpen birlesip, Táýelsizdik dańǵylyn uzartý jumysyn jalǵastyrýy kerek, — dedi Prezıdent.
Aıta ketelik Memleket basshysy Qasym-Jomart Toqaev Astanany damytý jónindegi keńesinde qaladaǵy kólik ınfraqurylymyna nazar aýdarý kerektigin aıtqan edi.