Prezıdent kúshtik qurylymdarǵa ınfraqurylym qaýipsizdigin baqylaýdy tapsyrdy
ASTANA. KAZINFORM – Memleket basshysy Qasym-Jomart Toqaev kúshtik qurylymdarǵa ınfraqurylym qaýipsizdigin baqylaýdy tapsyrdy. Bul týraly Aqordanyń baspasóz qyzmeti habarlady.
Prezıdent Qasym-Jomart Toqaev Premer-mınıstrge, kúshtik qurylymdardyń basshylaryna, «Samuryq-Qazyna» ulttyq ál-aýqat qory men ulttyq kompanııalardyń jetekshilerine, sondaı-aq aımaq ákimderine tirshilikti qamtamasyz etetin nysandardyń, kólik, energetıka jáne kommýnaldyq ınfraqurylymnyń, sonyń ishinde áýejaılardyń, teńiz jáne ózen porttarynyń qaýipsizdik sharalaryn kúsheıtýdi tapsyrdy.
Atalǵan jumysty úılestirý Qaýipsizdik Keńesiniń hatshysyna júkteldi.
Eske sala keteıik, buǵan deıin Memleket basshysy «Qazaqtelekom» AQ basqarma tóraǵasy Baǵdat Mýsındi qabyldaǵanyn habarlaǵan edik.