Prezıdent qus tumaýynyń órshýine baılanysty Aýyl sharýashylyǵy mınıstrligin synǵa aldy

NUR-SULTAN. QazAqparat – Memleket basshysy Qasym-Jomart Toqaev qus tumaýynyń órshýine baılanysty Aýyl sharýashylyǵy mınıstrligin synǵa aldy, dep habarlaıdy QazAqparat tilshisi.

«Azyq-túlik qaýipsizdigi men áleýmettik mańyzy bar azyq-túlik taýarlar máselesi erekshe nazar aýdarýdy talap etedi. Joǵary patogendi qus tumaýynyń órshýi azyq-túlik qaýipsizdigi salasynyń kemshiligin aıqyndap berdi. Bul rette men ýájimdi Aýyl sharýashylyǵy mınıstrligine aıtsam deımin», - dedi Prezıdent koronavırýs indetiniń ekinshi kezeńine daıyndyq máseleleri boıynsha keńeste sóılegen sózinde.

Qasym-Jomart Toqaev veterınarlyq sharalarmen qatar aýyldaǵy sharýalardyń jaǵdaıyn aıta otyryp, jeke aýlalar men qus fabrıkalarynyń shyǵynyn jabarlyq ekonomıkalyq tetikterdi oılastyrýdy tapsyrdy.