Prezıdent Quryltaıǵa ár salaǵa qatysty zańnamany muqııat saralaýdy tapsyrdy
ASTANA. KAZINFORM – Birinshi shaqyrylymdaǵy Quryltaıdyń birinshi sessııasyn ashqan Qasym-Jomart Toqaev zańdardyń Konstıtýtsııaǵa sáıkestigin, quqyqtyq turǵydan durystyǵyn, normalardyń ózara úılesimdiligin tekserip otyrý jumystaryn jandandyrý qajettigin málimdedi.
– Jańa Konstıtýtsııa normalaryn eskere otyryp, elimizdiń zańnamasyna túzetýler engizý qajet. Jańa konstıtýtsııalyq júıege ótý barysynda burynǵy Parlament negizgi bılik ınstıtýttarynyń qyzmetin qamtamasyz etetin birqatar mańyzdy zańdardy qabyldady. Endi Quryltaı ár salaǵa qatysty zańnamany muqııat saralap, olardyń Konstıtýtsııa qaǵıdattaryna saı bolýyn qaraýy kerek, – dedi ol.
Sonymen birge, Prezıdenttiń sózinshe, Quryltaı zań shyǵarý úderisiniń turaqtylyǵy men sapasyn qamtamasyz etýi kerek.
– Buǵan deıin Senat Májilis qabyldaǵan zańdardyń Konstıtýtsııaǵa sáıkestigin, quqyqtyq turǵydan durystyǵyn, normalardyń ózara úılesimdiligin tekserip otyrdy. Bul jumysty jandandyrý qajet, – dedi Memleket basshysy.
Aıta keteıik, buǵan deıin strategııalyq mańyzdy jobalar Ulttyq qordan qarjylandyrylatyny jónindegi Prezıdent málimdemesin jarııalaǵanbyz.
