Prezıdent Quryltaıdaǵy partııa fraktsııalarynyń jetekshilerimen kezdesti
ASTANA. KAZINFORM — Qasym-Jomart Toqaev Qazaqstan Respýblıkasy Quryltaıyndaǵy saıası partııalar fraktsııalarynyń jetekshilerimen kezdesý ótkizdi. Bul týraly Aqordanyń baspasóz qyzmeti habarlady.
Kezdesýde Prezıdent jańa Konstıtýtsııanyń 46-babyna sáıkes Premer-mınıstr laýazymyna usynylǵan Oljas Bektenovtiń kandıdatýrasy jóninde fraktsııa jetekshilerimen keńesýge tıis ekenin aıtty.
Talqylaýǵa «Ádilet» partııasy fraktsııasynyń jetekshisi Erbol Adaev, «Aýyl» partııasy fraktsııasynyń jetekshisi Qaırat Aıtýǵanov, «Respublica» partııasy fraktsııasynyń jetekshisi Aıdarbek Qojanazarov, «Aq jol» partııasy fraktsııasynyń jetekshisi Danııa Espaeva, Jalpyulttyq sotsıal-demokratııalyq partııa fraktsııasynyń jetekshisi Ashat Raqymjanov qatysty.
Aıta ketelik búgin Quryltaı otyrysynda Memleket basshysy Qasym-Jomart Toqaev Vıtse-prezıdent laýazymyna Erlan Qarınniń kandıdatýrasyn usynǵan edi.
