Prezıdent Quryltaı jóninde: bul ózgeris Qazaqstanda tarıhı sabaqtastyq bar ekenin anyq kórsetedi
ASTANA. KAZINFORM — Tereńnen tamyr tartqan memlekettigimizdiń jańa kezeńine qadam basqaly turmyz. Bul týraly Parlament palatalarynyń birlesken otyrysynda Memleket basshysy Qasym-Jomart Toqaev málim etti.
— Búgingi Parlamenttiń qos Palatasynyń birlesken otyrysynyń tarıhı mán-mańyzy aıryqsha dep aıtsaq, durys bolar. Bul dúıim halqymyz úshin de aıqyn nárse, aqıqat. Búgin biz memleketimizdiń zań shyǵarýshy organy — Parlamenttiń kezekti sessııasyn aıaqtap, Táýelsiz Qazaqstannyń damýyndaǵy tutas bir dáýirdi qorytyndylap otyrmyz. Osylaısha, tereńnen tamyr tartqan memlekettigimizdiń jańa kezeńine qadam basqaly turmyz, — dedi Qasym-Jomart Toqaev.
Osy oraıda Prezıdent erteń Qazaqstan Respýblıkasynyń jańa Konstıtýtsııasy zańdy kúshine enetinin eske saldy.
— Ult zańymen qatar, memlekettik bılik júıesi de túbegeıli jańa sıpatqa ıe bolmaq. Qos palataly Parlamenttiń ornyna Quryltaı keledi. Jalpy, bul ózgeris Qazaqstanda tarıhı sabaqtastyq bar ekenin anyq kórsetedi, — dedi Memleket basshysy.
Buǵan deıin Prezıdenttiń qatysýymen Parlament palatalarynyń birlesken otyrysy bastalǵanyn jazǵan edik.
