Prezıdent Qurylys kodeksine qol qoıdy

ASTANA. KAZINFORM — Memleket basshysy Qazaqstan Respýblıkasynyń Qurylys kodeksine qol qoıdy. Bul týraly Aqordanyń baspasóz qyzmeti habarlady. 

Memleket basshysy «Qazaqstan Respýblıkasynyń keıbir zańnamalyq aktilerine sáýlet, qala qurylysy jáne qurylys máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.

Kodekstiń mátini baspasózde jarııalanady. 

Aıta ketelik, Májilis Qurylys kodeksine Senat engizgen túzetýlermen kelisken edi.

Sonymen qatar Memleket basshysy sapasyz materıaldardy paıdalaný, qurylysqa qatysty erejelerdi jáne qaýipsizdik talaptaryn saqtamaý — naǵyz qylmys ekenin aıtyp, qurylys kompanııalarynyń jaýapkershiligin kúsheıtý qajet ekenin eskertken edi.