Prezıdent kúnine oraı Astana sımfonııalyq orkestri kontsert qoıdy
KÓKShETAÝ. QazAqparat - QR Tuńǵysh Prezıdenti kúnine oraı Aqmola oblysynyń Tselınograd aýdanynda Astana sımfonııalyq orkestriniń kontserti ótti, dep habarlaıdy QazAqparat tilshisi əkimdiktiń baspasóz qyzmetine silteme jasap.
Aýdandyq mədenıet úıinde uıymdastyrylǵan sharada aýdan ákimi Məlǵajdar Tatkeev jınalǵan kópshilikti osynaý aıtýly merekemen quttyqtap, izgi tilegin bildirdi. 
Merekelik shara barysynda kórermender medıtsına ǵylymdarynyń doktory, endohırýrgııa kafedrasynyń professory, elimizdiń jetekshi hırýrgi, QR eńbek sińirgen qaıratkeri, "Ótken jyldardyń tanymal ánderi" atty respýblıkalyq baıqaýlardyń laýreaty Serik Imaquly Toqpanovtyń ónerin tamashalady. Kontsert Alekseı Abaev jetekshilik etetin "Astana" sımfonııalyq orkestriniń súıemeldeýimen ótti. Serik Imaquly eski ánderdi shyrqap, kópshiliktiń qoshemetine bólendi. Medıtsına salasynyń maıtalmany, tájirıbeli dárigerdiń án ónerinen janyna rahat taýyp, úlken áserge bólenetini shyndyǵynda tańǵalarlyq jaǵdaı boldy.
Sonymen qatar, mádenıet úıiniń foıesinde QR Prezıdentiniń jarqyn sátteri beınelengen fotokórme uıymdastyryldy.
Kesh sońynda "Bolashaq" qoǵamdyq uıymynyń bastamasymen lotereıa oıyny uıymdastyrylyp, utysqa qysqa tolqyndy pesh, elektr peshi, shańsorǵysh, uıaly telefon tərizdi syılyqtar qoıyldy. Odan túsken qarjy múmkindigi shekteýli balalarǵa jańa jyldyq syılyq satyp alýǵa jumsalady.
