Prezıdent kúnine oraı 150-den asa kólik polıtseıi marapattaldy

ASTANA. QazAqparat - QR ІІM Kóliktegi ІІD Qazaqstan Respýblıkasynyń Tuńǵysh Prezıdenti kúnine arnalǵan saltanatty shara ótkizdi. Oǵan departament basshylyǵy men jeke quram jáne ishki ister organdarynyń ardagerleri qatysty, dep habarlaıdy vedomstvonyń baspasóz qyzmeti.

Saltanatty shara departament bastyǵy, polıtsııa polkovnıgi Amanjol Qabylovtyń quttyqtaý sózimen ashyldy. Ol táýelsiz elimiz - Qazaqstannyń búgingideı irgeli memleket bolyp qalyptasý, damý tarıhyndaǵy Tuńǵysh Prezıdenttiń sińirgen eren eńbegin erekshe atap ótti.

«Ult kóshbasshysy Nursultan Ábishuly Nazarbaevtyń syndarly saıasatynyń, asyl murattarǵa qol jetkizý jolyndaǵy tabandy minezi men qajyrlylyǵynyń arqasynda Qazaqstan qazirgi kúni myzǵymas, ultaralyq kelisim ornaǵan beıbit elge aınaldy. Memleket basshysy belgilegen basym baǵyttardyń biri - eldegi tynyshtyqty, turaqtylyq pen qaýipsizdikti saqtaý bolyp tabylady. Bul rette ishki ister organdarynyń qyzmetkerleri qoǵamdaǵy zańdylyq pen tártipti nyǵaıtýda barlyq kúsh-jigerderin aıamaı, Elbasynyń alǵa qoıǵan mindetterin zor jaýapkershilikpen atqaryp keledi»,- dedi elimizdiń bas kólik polıtseıi.

Sondaı-aq, A. Qabylovtiń sózinshe, polıtseılerdiń eń basty mindetteri bolyp qoǵamǵa asa qaýip tóndiretin lańkestikke, uıymdasqan qylmys pen esirtkiniń zańsyz aınalymyna qarsy  qarsy kúres jýrgizý bolyp qala beredi. Buǵan qosa respýblıkamyzdyń strategııalyq mańyzdy nysandary bolyp sanalatyn áýe jáne temir jol kólikterinde qoǵamdyq tártipti nyǵaıtý,  oryn alǵan qylmystardy izin sýytpaı ashý, sybaılas jemqorlyqpen kúres júrgizý zor mańyzǵa ıe.

Tuńǵysh Prezıdent kúni merekesine oraı quqyqtyq tártip pen qaýipsizdikti nyǵaıtý isinde ózderiniń qyzmettik mindetterin abyroımen atqarǵany úshin 150-den asa kólik polıtseıleri men ishki ister organdarynyń ardagerleri medaldarymen, QR ІІM jáne Kóliktegi ІІD basshysynyń gramotalarymen marapattaldy.

Olardyń qatarynda úzdik tergeýshiler, jedel ýákilder, krımınalıster men anyqtaýshylar bar. Máselen, polıtsııa maıory Talǵat Halyqov «Qazaqstan polıtsııasyna - 25 jyl» medalimen marapattaldy. Ol ishki ister organdarynda  25 jylǵa jýyq qyzmet atqaryp keledi. Alǵashynda qyzmetin tehnık-krımınalıst bolyp bastaǵan T. Halyqov búginde negizgi qyzmetterdiń birinde bólimshe bastyǵy.

Sondaı-aq polıtsııa podpolkovnıgi Dýman Turǵanbekov te  ishki ister organdarynda 2001 jyldan beri eńbek etýde. Búgin ol quqyqtyq tártipti nyǵaıtýǵa qosqan zor úlesi úshin «QR ІІM-niń úzdigi» medalin keýdesine taqty.

Shara sońynda departamenttiń jeke quramyna Ult Kóshbasshysy - Qazaqstan Respýblıkasynyń Tuńǵysh Prezıdenti týraly «Bitimger mıssııasy» fılmi kórsetildi.