Prezıdent Kúlásh Ahmetovanyń otbasyna kóńil aıtý jedelhatyn joldady

ASTANA. KAZINFORM – Prezıdent Memlekettik syılyqtyń laýreaty Kúlásh Ahmetovanyń otbasyna kóńil aıtý jedelhatyn joldady. Bul týraly Aqordanyń baspasóz qyzmeti habarlady. 

Memleket basshysy Qasym-Jomart Toqaev kórnekti aqyn, «Qurmet», «Parasat» ordenderiniń ıegeri Kúlásh Ahmetovanyń dúnıeden ótýine baılanysty onyń otbasy men jaqyn-jýyqtaryna kóńil aıtty.

– Kúlásh Ahmetova bar ǵıbratty ǵumyryn sáýleli sóz ónerine arnaǵan, ulttyq ádebıetimizdiń kókjıegin keńeıtýge mol úles qosqan halqymyzdyń aıaýly aqyny edi. Názik qalamynan týǵan syrshyl óleńderi, eldikti dáriptegen jalyndy jyrlary oqyrman tarapynan asa joǵary baǵaǵa ıe boldy. Ónegeli ómir súrip, sońyna ádebı baı mura qaldyrǵan Kúlásh Ahmetovanyń esimi men jarqyn beınesi umytylmaıdy, – delingen jedelhatta. 

Aıta ketelik qazaq ádebıetiniń asa kórnekti ókili Kúlásh Ahmetova ómirden ozdy.