Prezıdent Kýbogynda Qazaqstan hokkeı quramasy «Neftehımıkten» utylyp qaldy
ASTANA. QazAqparat - Astanadaǵy «Barys Arenada» dástúrli «QR Prezıdentiniń Kýbogy» maýsymaralyq týrnıri bastaldy, dep habarlaıdy QazAqparat «SPORTINFORM»-ǵa silteme jasap.
Týrnır betasharynda Qazaqstan quramasy men Tatarstannyń Andreı Nazarov bastaǵan «Neftehımık» komandasy kezdesti.
Qazaqstandyqtardyń týrnırdegi alǵashqy goly úshinshi kezeńde ǵana soǵyldy. Artem Lıhotnıkov sol qaptaldan kelip soqqy baǵyttady, qaqpadan serpilgen shaıbaǵa da ózi birinshi jetti. Bul kezde tatarstandyqtar 2:0 esebimen alda kele jatqan bolatyn. Esep 2:1 bolǵan soń qonaqtar oıyn qarqynyn údete túsip, taǵy eki shaıba soqty.
Eske sala keteıik, Nıjnekamskiniń «Neftehımıgi» byltyr Prezıdent Kýbogyn jeńip alǵan bolatyn.
19:30-da elordadaǵy arenada «Barys» pen Habarovskiniń «Amýr» komandasy kúsh synasady.
