Prezıdent kýbogyna arnalǵan boks týrnıri EKSPO-2017-ge arnalady
«Elimizdiń ulttyq quramasynyń bas jattyqtyrýshysy Myrzaǵalı Aıtjanov AIBA akademııasy bazasynda komandanyń alǵashqy oqý-jattyǵý jıynyn qorytyndylap, 2017 jylǵa arnalǵan josparlarmen bólisti. Alda Azııa jáne álem chempıonattary. Sondyqtan jaýapty jarystarǵa barynsha tyńǵylyqty daıyndalý qajet. Sonymen qatar boksshylardyń birqatar halyqaralyq týrnırge qatysýy da josparlanǵan», - delingen federatsııa baspasóz qyzmeti taratqan aqparatta.
ıÝrıı Tshaı jattyǵý protsesteri sapasyn arttyrýǵa, uzaqmerzimdi keleshekke arnalǵan jospar túzýge, jattyqtyrýshylardyń biliktiligin arttyrýǵa basa nazar aýdartty. Onyń aıtýynsha, birneshe jyldan keıin eresekter arasynda Qazaqstannyń namysyn halyqaralyq arenada qorǵaı tyn ulttyq komanda rezervine aıryqsha nazar aýdarý qajet.
Aıta keterligi, Vadım Prısıajnıýk jattyqtyratyn elimizdiń qyzdar quramasy Serbııada ótken Ult kýbogy jyl saıynǵy týrnırinde tamasha óner kórsetip, jalpykomandalyq esepte birinshi oryn aldy.
«Aǵymdaǵy jyldyń maýsymynda Qazaqstan Prezıdenti kýbogyna arnalǵan erler men qyzdar arasyndaǵy týrnır ótedi. Ol «EKSPO-2017» dúnıejúzilik kórmesine arnalady. Bul týrnır boks jankúıerleri arasynda zor qyzyǵýshylyq týdyrady, al sportshylar joǵary deńgeıde tájirıbe jınaqtaıdy dep kútilýde», - delingen taratylǵan aqparatta.
