Prezıdent kýbogyn adaı jylqylary jeńip aldy
ASTANA. 9 shilde. QazAqparat - Qazaqstan Respýblıkasy Prezıdenti Kýbogy úshin Astana qalasynda ótken alys qashyqtyqqa halyqaralyq at jarysynda Mańǵystaýdan barǵan adaı jylqylary aldyna qara salǵan joq.
Adaı jylqylary 2011 jyly Almatyda ótken Azııa birinshiliginde júldeli 3 oryndy da eshkimge buıyrtpaı, altyn, kúmis, qola júldeni enshilegen bolatyn. Odan keıin Reseıdiń Rıazan qalasynda ótken TMD elderi kýbogynda 1,2 jáne 4 oryndardy qanjyǵaǵa baılaǵan edi.
Mine endi keshe Astanada ótken alamanda Mańǵystaý tulparlary 80 shaqyrym qashyqtyqta 1,2 oryndardy, al 120 shaqyrym qashyqtyqta 1,3 oryndardy enshiledi.
