Prezıdent Kýbogy úshin jarysta el quramasy úshinshi ret jeńiske jetti
ASTANA. 27 maýsym. QazAqparat - Elimizdiń voleıboldan áıelder quramasy «Qazaqstan Prezıdentiniń Kýbogy-2013» halyqaralyq básekesinde úshinshi márte top jardy.
Bul týraly Vesti.kz jazdy.
Dodanyń úshinshi kúni jerlesterimiz 3:2 esebimen ázerbaıjandyq voleıbolshylardan basym tústi. Buǵan deıin elimizdiń birinshi quramasy 3:2 esebimen Belorýssııanyń ókilderin súrindirse, Ekaterınbordan kelgen «Ýralochka-2» komandasyn 3:0 esebimen oısyrata jeńdi.
Qazaqstannyń ekinshi quramasy qytaılyq «Lıaonın» komandasyna 0:3 esebimen jol berdi. Óz kezeginde belorýssııalyq názik jandar «Ýralochka-2» 3:0 esebimen jeńdi.
Búgin elimizdiń birinshi jáne ekinshi quramasy ózara baq synasady. Kezdesý Pavlodardyń «Astana» muz saraıynda Astana ýaqyty boıynsha saǵat 17:00 ótedi.
