Prezıdent Kýbogy: Qyzaıbaı men Shekerbekova alǵashqy aınalymnan súrinbeı ótti
ASTANA. QazAQparat - Bokstan Astanada ótip jatqan Prezıdent Kýbogy dodasynda Nazym Qyzaıbaı men Jaına Shekerbekova alǵashqy aınalymnan súrinbeı ótti, dep habarlaıdy QazAqparat tilshisi.
Bokstan álemniń eki dúrkin chempıony 51 keli salmaqta synǵa túsken Nazym Qyzaıbaı alǵashqy jekpe-jeginde fılıppındik Manıý Irıshtan aılasyn asyrsa, osy salmaqta synǵa túsken taǵy bir álem birinshiliginiń júldegeri, Azııa chempıonatynyń jeńimpazy Jaına Shekerbekova ózbekstandyq boksshy arý Týrsynoı Rahımovany jarys jolynan taıdyrdy.
Esterińizge sala keteıik, bokstan Astanada ótip jatqan Prezıdent Kýbogy halyqaralyq týrnırine erlermen qatar burymdy arýlarymyz da úsh salmaq sanatynda (51, 60 jáne 75 keli) synǵa túsip jatyr.
51 keli salmaqta Nazym Qyzaıbaı, Jaına Shekerbekova, Sevara Tájiqulova, Aıgerim Qasenaeva synǵa tússe, 60 keli salmaqta Karına Ibragımova, Aıjan Hodjabekova, Rımma Volosenko jáne Ulbala Álmenova óner kórsetýde. Al áıelder arasyndaǵy aýyr salmaq sanalatyn 75 kelide Darıǵa Shakimova, Vıoletta Knıazeva, Aqbota Isaǵulova, Aqerke Baqytjan jáne Farıza Sholtaı óner kórsetedi.
