Prezıdent kýbogy: Qazaqstandyq jasóspirimder chempıon atandy
NUR-SULTAN. QazAqparat - QR Prezıdenti kýbogyna arnalǵan fýtboldan jasóspirimder arasyndaǵy halyqaralyq týrnırde 17 jasqa deıingi Qazaqstan quramasy chempıon atandy, dep habarlaıdy QazAqparat tilshisi.
Bizdiń jas órender fınalda Tájikstan quramasymen kezdesip, qazaqstandyq fýtbolshylar 3:0 esebimen jeńiske jetti.
Budan buryn úshinshi oryn úshin saıysta Lıtva quramasy bizdiń 16 jasqa deıingi jasóspirimderdi 3:2 esebimen tize búktirgen bolatyn. Al 5-oryn úshin saıysta Armenııa Qyrǵyzstannan 2:1 esebimen basym tústi.
Halyqaralyq týrnır 2008 jyldan beri turaqty túrde ótkizilip keledi. Elimizdiń 17 jasqa deıingi quramasy eki márte chempıon atandy.
