Prezıdent kýbogy: Qazaqstan quramasy Tájikstan fýtbolshylaryn qapyda qaldyrdy
ASTANA. QazAqparat - QR Prezıdenti kýbogynyń úshinshi oıynynda 17 jasqa deıingi jastardan quralǵan Qazaqstan quramasy Tájikstannyń 16 jasqa deıingi jastardan turatyn quramasyn 2:1 esebimen jeńdi, - dep jazady Sports.kz.
Áýeli Qazaqstan quramasynyń qaqpasynan Ramza Amrahonov sańylaý tapqan edi. Ekinshi taımda Samat Bortaı esepti teńestirdi. Oıyn teń aıaqtalýǵa shaq qalǵan, olaı bolǵanda jeńis tájik komandasynyń qorjynynda ketkendeı edi. Osy tusta tóreshi qosymsha 5 mınýt ýaqyt taǵaıyndady.
Qonaqtardyń jarty alańyna asyrylǵan dopqa talas kezinde qazaqstandyq qulap túsip, osy úshin tóreshi aıyp dobyn belgiledi. Erhan Talasbaev 11 metrlik aıyp dobyn qarsylas qaqpasyna darytyp, jerlesterimiz jeńiske jetti.
Osy jeńistiń arqasynda Qazaqstan fýtbolshylary qola medal úshin talasqa túsedi. Qarsylasy - Grýzııa quramasy (U-17).
