Prezıdent kýbogy: Qazaqstan quramasy grek-rım kúresinen ekinshi oryndy ıelendi
ASTANA. QazAqparat - Astanada grek-rım, erkin jáne áıelder kúresinen Prezıdent kýbogyn sarapqa salǵan halyqaralyq týrnır óz máresine jetti, dep jazady Sport.kz.
Týrnırdiń sońǵy kúni grek-rım kúresiniń palýandary sheberlik synasty. Fınaldyq beldesýde Qazaqstan quramasy 3:5 esebimen reseılikterge ese jiberdi. Al Ózbekstan quramasy qola júldeni qanaǵat tutty.
QR Prezıdenti kýbogy jolyndaǵy jarysqa Reseı, Úndistan, Mońǵolııa, Qyrǵyzstan, Ózbekstan, Grýzııa, Belarýs elderi ózderiniń myqty balýandaryn ákelgen bolatyn.
Aıta keteıik, bıyl dástúrli saıysqa birqatar ózgerister engizildi. Buǵan deıin Prezıdent kýbogy týrnırine tek klassıkalyq stıldegi kúres palýandary qatysatyn bolsa, bıyl erkin kúres sheberleri men áıelder kúresiniń myqtylary qosyldy. Sondaı-aq, jekeleı syn alynyp tastalyp, týrnır komandalyq báseke formatynda ótti.
