Prezıdent kýbogy: Іlııas Súleımenov qarsylasynan jeńilip qaldy

NUR-SULTAN. QazAqparat - Dál qazir Nur-Sultan qalasynda bokstan Prezıdent kýbogynda jigitter arasyndaǵy jekpe-jekter ótip jatyr. Qazirge deıin eki salmaqtaǵy chempıondar anyqtaldy, dep habarlaıdy QazAqparat tilshisi.

Týrnırde 52 keli salmaqta Sáken Bıbosynov pen Mahmut Sabyrhan qolǵa túıistirdi. Bul joly Sáken sharshy alańda ábjil qımylymen kózge tústi. Nátıjesinde oǵan chempıondyq ataq buıyrdy.

Al 57 kelide Іlııas Súleımenov pen Rýstam Rýstamov jekpe-jek ótkizdi. Bul salmaqta Rýstam sensatsııalyq jeńiske jetti. 2011 jylǵy Azııa chempıonatynda kúmis, 2014 jylǵy Azııa oıyndarynda altyn alǵan tájirıbeli boksshy Іlııas Súleımenov odan aılasyn asyra alǵan joq.

Esterińizge sala ketelik, budan buryn Prezıdent kýbogynda qyzdar arasynda chempıon atanǵan boksshylar jaıynda habarlaǵan edik.