Prezıdent kýbogy: Fınalda sharshy alańǵa kimder shyǵady
Erler arasynda jartylaı fınalǵa Ózbekstannan kelgen jeti boksshy shyqqan edi. Degenmen olardyń eshbiri fınal joldamasyna qol jetkize alǵan joq. Atap aıtqanda, 57 kelide Іlııas Súleımenovtiń qarsylasy Mırazızbek Mırzahalılov jekpe-jekten bas tartsa, 75 kelidegi Tursynbaı Qulahmetpen qolǵap túıistirgen Rajabboı Atanazarov birinshi raýndtan keıin alǵan jaraqatyna baılanysty jarysty jalǵastyra almady. Sondyqtan Prezıdent kýbogy fınalynda negizinen qazaqstandyq boksshylar ózara sheberlik baıqasatyn boldy. Olardyń qatarynda reseılik Vadım Týkov 75 kelide Tursynbaı Qulahmetpen sharshy alańǵa shyqsa, 63 kelide úndistandyq Tapa Shıva Zakır Safıýllınmen baq synasady.
Taǵy bir aıta keterligi, 57 kelide álem chempıony Qaırat Eralıev Almaty oblysynan kelgen Rýstam Rýstamovqa jol berip qoıdy.
Al 63 kelide Zakır Safıýllın sońǵy Azııa chempıonatynda altynnan alqa taqqan tájik jigiti Bahodýr Ýsmonovty orta jolda qaldyryp ketti. Olımpıadanyń kúmis júldegeri Vasılıı Levıt jasóspirimder arasyndaǵy Olımpıada oıyndarynyń chempıony Aıbek Oralbaımen qolǵap túıistiredi.
Al qyzdar arasynda 51 kelide Nazym Qyzaıbaı men Jaına Shekerbekova qolǵap túıistiredi. Sondaı-aq, 2016 jylǵy álem chempıonatynyń júldegeri Alýa Qojabekova 2016 jylǵy Eýropa chempıony reseılik Darıa Abramovamen sharshy alańǵa shyǵady.
Qyzdar arasynda reseılik Darıa Abramova (57 keli), Elena Galeshına (75 keli), qytaılyq ıAn Lı (69 keli) jáne úndistandyq Parvın (60 keli) fınalǵa shyqty. Qalǵan boksshylardyń barlyǵy - qazaqstandyqtar.
Esterińizge sala ketelik, fınaldyq jekpe-jekter Nur-Sultan ýaqytymen 13.00-de bastalady. Jekpe-jekter Qazsport telearnasynan kórsetiledi.
Esterińizge sala ketelik, budan buryn jartylaı fınalǵa shyqqan boksshylar jaıynda habarlaǵan edik.