Prezıdent kýbogy: Denıs Evseev jartylaı fınalǵa joldama aldy

ASTANA. QazAqparat – Qazaqstandyq, álemniń 412-raketkasy Denıs Evseev Astanada ótip jatqan Prezıdent kýbogy úshin chellendjer týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandy tennısshi shırek fınalda dúnıejúzilik reıtıngte 657-orynda turǵan belorýssııalyq Aleksandr Zgırovskıımen kezdesti.

Birinshi partııada D.Evseev aıqyn basymdylyq tanytty – 6:2.

Ekinshi sette belorýssııalyq sportshy 4:1 esebimen alǵa ketti. Degenmen budan keıin Evseev qatarynan bes geım aldy – 6:4.

Bir saǵattan astam ýaqytqa sozylǵan matchta D.Evseev 7 breık-poınttyń tórteýin paıdalana bildi.

Denıs Evseev fınalǵa shyǵý úshin reıtıngte 357-satydaǵy túrkııalyq ıAnkı Erelmen talasady. Ol álemniń 342-raketkasy, zımbabvelik Bendjamın Lokty tize búktirdi – 6:3, 7:6 (7:4).

Eske sala keteıik, budan buryn Anna Danılınanyń juptyq synda Gambýrg týrnıriniń fınalyna shyqqanyn jazǵan bolatynbyz.

Sondaı-aq Aleksandr Nedovesov Horvatııadaǵy jarystyń jartylaı fınalyna shyǵa almady.