Prezıdent kýbogy: Áıelder boksynan qola medalge kimder qol jetkizdi
Atalǵan kýbokta erlerden bólek, 5 salmaq sanatynda burymdy boksshylar da baq synap jatyr. Keshe barlyq boksshy jartylaı fınaldyq básekeni aıaqtap, fınalǵa shyqqan boksshylardyń esimi belgili bolǵan.
Áıelder arasynda 52 keli salmaq sanatynda fınalda eki qazaqstandyq boksshy altyn medal úshin aıqasqa túsedi. Olar - álem chempıony Nazym Qyzaıbaı men álem chempıonatynyń kúmis júldegeri Jaına Shekerbekova.
Al Angelına Lýkas pen Jansaıa Ábdiraıymova qola júldegerler qatarynda.
57 kelide synǵa túsip jatqan Aıjan Qojabekova reseılik Darıa Abramovamen Prezıdent kýbogynyń altynyn sarapqa salady.
60 kelidegi Rımma Volosenko reseılik Anastasııa Selınany merziminen buryn jeńdi. Fınalda ol úndistandyq Parvınmen kezdesedi.
69 kelide uzaq ýaqyt úzilisten keıin sharshy alańǵa qaıta oralǵan London olımpıadasynyń qola júldegeri Marına Volnova jartylaı fınalda qytaılyq ıAn Lıge jol berip, qola medaldi qanaǵat tutty. Bul salmaqta Darıǵa Shákimova reseılik Elmıra Azızovany jeńip, fınalǵa joldama aldy.
Al 75 kelide qazaqstandyq Nadejda Rıabets pen reseılik Elena Gapesh altyn júldege talasady. Fınaldyq kezdesýler Nur-Sultan ýaqytymen 13:00-de bastalady.