Prezıdent kýbogy: Zańǵar Nurlanuly chellendjer týrnırinde alǵash ret óner kórsetti

ASTANA. KAZINFORM — Elordada Prezıdent kýbogy úshin tennısten halyqaralyq ATP Challenger Tour týrnıri ótip jatyr.

Uıymdastyrýshylardan arnaıy shaqyrtý alǵan 17 jastaǵy Zańǵar Nurlanuly chellendjer jarysynda alǵash ret óner kórsetti.

Tyrnaqaldy kezdesýinde Zańǵar tájirıbeli tennısshi, kezinde álemdik reıtıngide 50-orynǵa deıin kóterilgen, qazirgi kezde 387-satyda turǵan, týrnırdiń 8-raketkasy, lıtvalyq Rıchardas Berankıspen sheberlik baıqasty.

Qazaqstandyq jas tennısshi 2:6, 2:6 esebimen ese jibergenine qaramastan, eresekter arasynda óziniń shama-sharqyn baıqap kórdi.

Berankıs — Lıtva tennısiniń jaryq juldyzy, jasóspirimder arasynda 2007 jylǵy US Open jeńimpazy, óz eliniń tarıhynda TOP-100-ge kirgen jalǵyz oıynshy. Ol 2014 jyly Astana Prezıdent kýbogy, 2017 jyly Shymkentte chellendjer dodasynda top jardy.

Taǵy bir 17 jastaǵy qazaqstandyq, ATP reıtıngisinde 971-satydaǵy Ámir Omarhanov búgin álemniń 577-raketkasy, japonııalyq Imaı Shıntaromen oınaıdy.

Eske sala keteıik, budan buryn qatarynan eki týrnırde chempıon atanǵan Aleksandr Býblıktiń TOP-25-ke kirgenin jazǵan edik.