Prezıdent kýbogy: Qazaqstandyq jup chempıondyq ataq úshin talasady

ASTANA. KAZINFORM — Qazaqstandyqtar Arýjan Saǵyndyqova men Ekaterına Dmıtrıchenko juptyq synda Astanada Prezıdent kýbogy úshin ótip jatqan ITF W15 týrnıriniń fınalyna shyqty.

Qazaqstandyq jup jartylaı fınalda ózbekstandyqtar Nıgına Alımova — Sabrına Olımjanovamen sheberlik baıqasty.

Birinshi partııany ózbekstandyqtar óz esebine jazdy — 7:5. Ekinshisinde Arýjan men Ekaterına qarymta qaıyrdy — 7:5. Sodan keıin sýper taı-breıkte jeńisti julyp aldy — 10:5.

Qazaqstandyq dýet fınalda reseılik Ekaterına Haırýtdınova — belorýssııalyq Anna Kýbarevamen chempıondyq ataqty sarapqa salady.

Taǵy bir qazaqstandyq Asyljan Arystanbekova jekeleı synda shırek fınalda reıtıngide 882-oryndaǵy reseılik Vıktorııa Mılovanovaǵa ese jiberdi — 4:6, 1:6.

Eske sala keteıik, budan buryn Tsıntsınnatı týrnırinde Elena Rybakınanyń álemniń 6-raketkasyn jeńip, shırek fınalǵa shyqqanyn jazǵan bolatynbyz.