Prezıdent kýbogy: ITF týrnırinde juptyq synda shırek fınalǵa Qazaqstannan kimder shyqty

ASTANA. KAZINFORM — Elordada Beeline Arena ulttyq tennıs ortalyǵynda Prezıdent kýbogy úshin erler jáne áıelder arasynda juptyq synda ITF týrnıriniń shırek fınalyna shyqqandar anyqtaldy.

Jarystyń 1-raketkasy bolyp tirkelgen Grıgorıı Lomakın reseılik Aleksandr Lobanovpen birge 1/8 fınalda reseılikter Savelıı Ivanov – Evgenıı Fılıppovty 6:4, 6:2 esebimen utty.

Qazaqstandyq-reseılik jup jartylaı fınalǵa shyǵý úshin qazaqstandyqtar Іlııas Maratuly – Taıyr Sarmanovpen talasady. Bul dýet otandastary Damır Dúısenǵazın – Oljas Esenalyny qapy qaldyrdy – 6:4, 6:2.

Ámir Omarhanov túrkııalyq Mert Alkaımen birge tartysty básekede reseılik Nıkıta Ianın – ózbekstandyq Maksım Shınnan basym tústi – 6:3, 3:6, 12:10.

Áıelder arasynda Asyljan Arystanbekova – Іńkár Dúısebaı reseılikter Darıa Harlanova – Edda Mamedovany joldan taıdyrdy – 6:3, 5:7, 10:7.

Albına Kákenova – Anastasııa Krymkova tabandylyq tanytyp, reseılikter Sofıa Gaponova – Marııa Mıhaılovany kambekpen jeńdi – 3:6, 6:4, 10:8.

Arýjan Nuranbaı – Sátıma Tóregen japonııalyq Honorı Kaoıama – ýkraınalyq Adrıana Tkachenkonyń mysyn basty – 6:4, 6:4.

Sandýǵash Kenjebaeva reseılik Alısa Kıýmmelmen birge qazaqstandyqtar Ekaterına Dmıtrıchenko – Arýjan Saǵyndyqovadan ótti – 6:4, 6:2.

Eske sala keteıik, budan buryn Rolan Garrostyń irikteý týrnırinde qazaqstandyq jas tennısshilerdiń shırek fınalǵa ótkenin jazǵan edik.