Prezıdent kýbogy: Asyljan Arystanbekova reseılik tennısshini jeńip, sensatsııa jasady

ASTANA. KAZINFORM – Elordada Prezıdent kýbogy úshin ITF serııasy boıynsha áıelder arasynda W15 qorytyndy týrnıri ótip jatyr. 

Qazaqstandyq tennısshi, 19 jastaǵy Asyljan Arystanbekova irikteý satysynda keshe reseılik Alısa Vasılevadan 7:5, 6:3 esebimen basym túsip, negizgi dodaǵa qosylǵan edi.

Búgin Asyljan WTA reıtıngisinde 796-orynda turǵan taǵy bir reseılik Alısa Kıýmmelmen kortqa shyqty. 

Arystanbekova favorıt sanalǵan azýly oıynshyny 7:6 (7:3), 6:3 esebimen qapy qaldyrdy. 

Qazaqstandyq tennısshi shırek fınalǵa shyǵý úshin úndistandyqtar, álemniń 1038-raketkasy Andjalı Rathı nemese reıtıngide 1347-satydaǵy Pratıýsha Rachapýdıdiń qaı jeńgenimen talasady.

Taǵy bir qazaqstandyq tennısshi, 18 jastaǵy Іńkár Dúısebaı tartysty básekede reıtıngide 1190-oryndaǵy reseılik Aglaıa Fedorovaǵa ese jiberdi – 7:5, 2:6, 4:6.

A.Arystanbekova men І.Dúısebaı juptyq synda dál osy A.Kıýmmel – A.Fedorovamen oınaıdy. Ótken aptada Asyljan men Іńkár Astanada osyndaı jarysta juptyq synda úzdik shyqqan edi. 

Eske sala keteıik, budan buryn Beıbit Juqaevtyń Meksıkadaǵy týrnırde qarsylasyn aıqyn basymdylyqpen jeńgenin jazǵan edik. 

Sondaı-aq Elena Rybakına Tsıntsınnatı týrnıriniń tórtinshi aınalymyna joldama aldy.

Qazaqstandyq jas tennısshiler Germanııadaǵy jarysta top jardy.