Prezıdent kýbogy: 17 jastaǵy Ámir Omarhanov jartylaı fınalǵa joldama aldy

ORAL. KAZINFORM — Astana qalasynda Prezıdent kýbogy úshin erler men áıelder arasynda ITF World Tennis Tour týrnırinde juptyq synda jartylaı fınalǵa shyqqandar anyqtaldy.

Áıelder arasynda qazaqstandyqtar Asyljan Arystanbekova – Іńkár Dúısebaı shırek fınalda belarýstik Vladıslava Zvereva – grýzııalyq Zoza Kardavany utty – 7:6 (7:4), 6:0.

A.Arystanbekova – І.Dúısebaı fınalǵa shyǵý úshin belarýstik Aglaıa Fedorova – Darıa Homýtıanskaıamen talasady.

Sandýǵash Kenjebaeva – reseılik Alısa Kıýmmel shırek fınalda qazaqstandyqtar Arýjan Nuranbaı – Sátıma Tóregendi joldan taıdyrdy – 6:1, 7:5.

Erler arasynda 17 jastaǵy Ámir Omarhanov túrkııalyq Mert Alkaımen birge qarsylastary matchqa kelmegendikten, oınamastan jartylaı fınalǵa shyqty.

Jarystyń 1-raketkalary Grıgorıı Lomakın – reseılik Aleksandr Lobanov shırek fınalda qazaqstandyqtar Іlııas Maratuly – Taıyr Sarmanovty joldan taıdyrdy – 6:1, 7:5.

S.Kenjebaeva, Á.Omarhanov jáne G.Lomakınniń juptyq synda jartylaı fınaldaǵy qarsylastary keıin belgili bolady.

Eske sala keteıik, budan buryn Tsıntsınnatı týrnırinde Pýtıntsevany jeńgen tennısshiniń Rybakınamen oınaıtynyn jazǵan edik.