Prezıdent: Qýatty qalalar – el ekonomıkasyn damytýdyń qozǵaýshy kúshi

ASTANA. QazAqparat – Memleket basshysy qazaqstandyqtardy elorda kúnimen quttyqtady, dep habarlaıdy QazAqparat tilshisi.

«Qýatty qalalar – el ekonomıkasyn damytýdyń qozǵaýshy kúshi. Sondyqtan biz bul máselege basa mán beremiz. Osyndaı jıyndar tájirıbe almasyp, ózara tıimdi baılanystar ornatýǵa jol ashady. Astanaǵa arnaıy kelip, forýmnyń jumysyna atsalysqan qonaqtarǵa taǵy da rızashylyǵymdy bildiremin. Sizderdiń oı-pikirlerińiz biz úshin óte mańyzdy. Bul basqosý dostyq qarym-qatynasty nyǵaıtýǵa tyń serpin bereri sózsiz. Qalalarymyz kórkeıe bersin. Barshańyzǵa baq-bereke, tolaǵaı tabys tileımin. Astana kúni qutty bolsyn!», - dedi Qasym-Jomart Toqaev elordada ótip jatqan Astananyń baýyrlas qalalar forýmynda.

Buǵan deıin Memleket basshysy erekshe qajettiligi bar jandarǵa ınfraqurylym qoljetimdiligin arttyrý kerektigin aıtqan edi.

Odan bólek, Prezıdent elordany damytýda «qala adam úshin» qaǵıdaty basshylyqqa alynatynyn málim etti.