Prezıdent koronavırýspen kúresip jatqandarǵa syıaqy berýdi tapsyrdy
NUR-SULTAN. QazAqparat - Koronavırýspen kúreske juldyrylǵandarǵa 1 laýazymdyq jalaqy kóleminde syıaqy berý qajet. Bul týraly Aqordada Tótenshe jaǵdaı jónindegi memlekettik komıssııanyń otyrysyn ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Densaýlyq saqtaý mınıstrligi janynda COVID-19-dy monıtorıngileý jáne esepke alý boıynsha jedel ortalyq jumys isteıdi, oǵan 21 naýryzda baryp, jaǵdaımen tanystym. Onyń irkilissiz jáne tıimdi jumysyn qamtamasyz etý qajet. Búginde bizdiń azamattarymyz - dárigerler, polıtseıler, ózge de mamandar aldyńǵy shepte jumys jasaýda. Olar demalystyń ne ekenin bilmeıdi, otbasylaryn sırek kórip, ózderin úlken táýekelge dýshar etip júr. Degemen, osyǵan qaramastan ózderiniń azamattyq jáne qyzmettik boryshtaryn tolyqtaı oryndaýda», - dedi Memleket basshysy.
Osy rette Qazaqstan Prezıdenti koronavırýspen kúreste aldyńǵy shepte júrgen azamattarymyzǵa shynaıy rızashylyǵyn bildirdi.
«Úkimet pen ákimdikterge koronavırýspen kúres jónindegi sharalarǵa jumyldyrylǵan dárigerlerge, polıtseılerge jáne óze de mamandarǵa 1 laýazymdyq jalaqy kóleminde syıaqy tóleýge qosymsha qarajat taýyp, qamtamasyz etýdi tapsyramyn», - dedi Qasym-Jomart Toqaev.
