Prezıdent Qýanysh Sultanovqa «Otan» ordenin caltanatty túrde tabystady

ASTANA. KAZINFORM - Prezıdent kórnekti memleket jáne qoǵam qaıratkeri Qýanysh Sultanovqa «Otan» ordenin caltanatty túrde tabystady, dep habarlaıdy Aqordanyń baspasóz qyzmeti.

Qasym-Jomart Toqaev Qýanysh Sultanovty seksen jasqa tolǵan mereıtoıymen quttyqtap, qaıratkerdiń elimizdi damytýǵa qosqan úlesin erekshe atap ótti.

– Táýelsizdiktiń alǵashqy kúnderinen bastap el isine belsene atsalystyńyz. Memlekettigimizdiń tuǵyryn nyǵaıtý jolynda eńbek ettińiz. Mınıstr, keıin Premer-mınıstrdiń orynbasary boldyńyz. Dıplomatııalyq qyzmette elimizdiń qaýipsizdigin nyǵaıtýǵa zor úles qostyńyz. Qytaı Halyq Respýblıkasynda Tótenshe jáne ókiletti elshi boldyńyz, sondaı-aq Mońǵolııa, Vetnam jáne Soltústik Koreıa elderimen qarym-qatynasty damytý úshin tabandy jumys istedińiz. Siz elimizde parlamentarızm ınstıtýtyn damytýǵa mol úles qostyńyz. Joǵary Keńeste depýtat, Tóraǵanyń orynbasary boldyńyz. Odan keıin úsh ret Senattyń, eki ret Májilistiń depýtaty retinde zań shyǵarý isiniń bel ortasynda júrdińiz. Ózekti máselelerdi qozǵadyńyz. Qazir de qoǵamdyq jumystan qol úzgen joqsyz. Sizdiń qajyr-qaıratyńyz, memleketshil bolmysyńyz, adamgershiligińiz jastarǵa úlgi-ónege bolady dep oılaımyn, – dedi Prezıdent.

Qasym-Jomart Toqaev Qýanysh Sultanovtyń jazýshylyq qyryna toqtalyp, elimizdegi saıası jáne qoǵamdyq úderister jaıynda kóptegen eńbek jazǵanyna nazar aýdardy.

Qýanysh Sultanov eldiń ıgiligi úshin jasaǵan eńbegin elep, eń joǵary memlekettik nagradanyń biri – «Otan» ordenine laıyq kórgeni úshin Prezıdentke alǵys aıtty.

Osyǵan deıin Qýanysh Sultanovtyń memlekettik jáne qoǵamdyq qyzmettegi aıryqsha eńbegi úshin «Otan» ordenimen nagradtalǵany týraly jazdyq.