Prezıdent kórnekti ǵalym Seıit Qasqabasovtyń qazasyna kóńil aıtý jedelhatyn joldady

ASTANA. KAZINFORM – Memleket basshysy kórnekti ǵalym, fılologııa ǵylymdarynyń doktory Seıit Qasqabasovtyń otbasy men týǵan-týystaryna kóńil aıtý jedelhatyn joldady. Bul týraly Aqorda málim etti. 

Qasym-Jomart Toqaev tiltanýshy jáne ádebıettanýshy, Memlekettik syılyqtyń ıegeri Seıit Qasqabasovtyń qaıtys bolýyna baılanysty onyń otbasy men jaqyn-jýyqtaryna kóńil aıtty. 

– Seıit Asqaruly ult rýhanııatyn ulyqtap, qazaq aýyz ádebıetin tereń zerdeleýge bar sanaly ǵumyryn arnaǵan zııaly tulǵa edi. Ásirese, otandyq folklortanýǵa ólsheýsiz úles qosty. Іrgeli eńbekter jazyp, ulaǵatty ustaz retinde kóptegen shákirt tárbıeledi. Ónegeli ómir súrip, sońyna rýhanı mol mura qaldyrǵan Seıit Asqarulynyń jarqyn beınesi umytylmaıdy, – dep jazylǵan jedelhatta.

Eske sala keteıik, buǵan belgili ádebıettanýshy, folklortanýshy ǵalym, Ulttyq Ǵylym akademııasynyń akademıgi, fılologııa ǵylymdarynyń doktory, QR Memlekettik syılyqtyń laýreaty Seıit Qasqabasov ómirden ótkenin jazǵan bolatynbyz.