Prezıdent «Qorqyt ata» halyqaralyq áýejaıynyń jańa termınalymen tanysty
ASTANA. KAZINFORM - Memleket basshysy Qasym-Jomart Toqaevtyń Qyzylorda oblysyna sapary «Qorqyt ata» halyqaralyq áýejaıynyń jańa termınalymen tanysýdan bastaldy, dep habarlaıdy Aqordanyń baspasóz qzymeti.
Prezıdentke áýejaı qyzmeti, ishki jáne halyqaralyq áýe reısterine qyzmet kórsetý protsesi jóninde baıandaldy.
Memleket basshysyna jolaýshylardy tirkeý jáne tekserý aımaqtary, shekaralyq-kedendik baqylaý pýnktteri, kútý zaly, sondaı-aq avtomattandyrylǵan júk berý júıesi kórsetildi.
Jańa termınal byltyr qarasha aıynda ashylǵan. Jobaǵa 16,6 mıllıard teńge kóleminde jeke ınvestıtsııa salyndy.
Jergilikti bıýdjetten ınjenerlik-kommýnıkatsııalyq ınfraqurylymyn júrgizýge 4,3 mıllıard teńge bólindi.
Osyǵan deıin Prezıdenttiń jumys saparymen Qyzylorda oblysyna barǵany týraly jazdyq.
