Prezıdent Qorǵanys mınıstrliginiń jumysyn synǵa aldy

NUR-SULTAN. QazAqparat –Memleket basshysy Qasym-Jomart Toqaev Qorǵanys mınıstrliginiń jumysyn synǵa aldy, dep habarlaıdy QazAqparat tilshisi.

«Tıisti jumystar júrgizilip jatqany kórinip tur. Alaıda biz qazir júıelik kemshilikterdiń, sondaı-aq áskerı vedomstvo tarapynan baqylaýdyń álsireýiniń saldarymen kúresip jatyrmyz. Qorǵanys mınıstrligi júıesine kelgenińizge kóp bolǵan joq, alaıda saladaǵy jaǵdaıǵa tolyq jaýaptysyz. Joǵarǵy Bas qolbasshy retinde Qorǵanys mınıstrliginde týyndaǵan jaǵdaıǵa qanaǵattanbaımyn. Sondyqtan sizge qatań sógis jarııalaımyn», - dedi Memleket basshysy.

Osy oraıda Prezıdent Arystaǵy jarylystyń saldary óte aýyr ekenin atap ótti.

«Biz kúsh-jigerdi osy saldardy joıýǵa jumyldyrdyq. Qalanyń basym bóligi qırady», - dedi Q.Toqaev.

Eske salsaq, QR Prezıdenti Nurlan Ermekbaevqa qatań sógis jarııalaǵany týraly habarlaǵan bolatynbyz.