Prezıdent Konstıtýtsııany qabyldaýǵa arnalǵan saltanatty jıynǵa qatysty
ASTANA. KAZINFORM — Prezıdent Qasym-Jomart Toqaev Konstıtýtsııany qabyldaýǵa arnalǵan saltanatty jıynǵa qatysty. Bul týraly Aqordanyń baspasóz qyzmeti málim etti.
— Aqordada ótken is-sharaǵa Premer-mınıstr Oljas Bektenov, Parlament Senatynyń Tóraǵasy Máýlen Áshimbaev, Parlament Májilisiniń Tóraǵasy Erlan Qoshanov, Memlekettik keńesshi Erlan Qarın, Prezıdent Ákimshiliginiń basshysy Aıbek Dádebaı, Úkimet músheleri, ortalyq memlekettik organdardyń jetekshileri, oblys, Astana, Almaty jáne Shymkent qalalarynyń ákimderi, sondaı-aq Konstıtýtsııalyq komıssııa men Jalpyulttyq koalıtsııa músheleri qatysty, — delingen habarlamada.
Qurmet qaraýyly Qazaqstan Respýblıkasynyń jańa Konstıtýtsııasyn saltanatty túrde ortaǵa alyp shyqqan soń elimizdiń Ánurany oryndaldy.
Ortalyq referendým komıssııasynyń tóraǵasy Nurlan Ábdirov jańa Konstıtýtsııa jobasy boıynsha respýblıkalyq referendýmnyń qorytyndysyn jarııalady.
Eske sala keteıik, Aqorda Konstıtýtsııany qabyldaýǵa arnalǵan saltanatty sharaǵa daıyndalyp jatqanyn jazǵan bolatynbyz.
