Prezıdent Konstıtýtsııalyq sot tóraǵasy Elvıra Azımovany qabyldady

ASTANA. KAZINFORM – Memleket basshysyna Konstıtýtsııalyq sot qyzmetiniń nátıjeleri jóninde málimet berildi. Bul týraly Aqordanyń baspasóz qyzmeti habarlady. 

Elvıra Azımova 2,5 jyl ishinde vedomstvoǵa azamattardan 11 myńnan astam ótinish kelip túskenin aıtty.

Konstıtýtsııalyq sot sýdıalary ótinishterdi qaraý barysynda 5 myńnan asa quqyq normasyn zerdeledi. Tekserý qorytyndysy boıynsha 300-den astam sheshim qabyldandy. Sonyń ishinde zańdar men basqa da normatıvtik aktilerdiń Konstıtýtsııaǵa sáıkestigi turǵysynan 74 qorytyndy qaýly shyǵaryldy. Osylaısha, 20 quqyq normasy Konstıtýtsııaǵa qaıshy dep tanylyp, 25 quqyq normasyna naqty túsindirme berildi.

Búginge deıin zańdarǵa ózgerister men tolyqtyrýlar engizý arqyly 41 normatıvtik qaýly oryndaldy. Qazir Konstıtýtsııalyq sottyń 19 normatıvtik qaýlysyndaǵy quqyqtyq ustanymdary eskerilgen 8 zań jobasy Parlament palatalarynda qaralyp jatyr.

azamattar egjeı-tegjeıli quqyqtyq keńes alý úshin Konstıtýtsııalyq sot apparaty janyndaǵy Ótinishterdi qabyldaý ortalyǵyna júgine alatyny jóninde baıandady.

Buǵan deıin mundaı konsýltatsııalardy myńnan astam adam aldy. Ortalyqtaǵy zań konsýltanttary men advokattar azamattarǵa tegin keńes beredi.

Prezıdenttiń pikirinshe, Konstıtýtsııalyq sot azamattardyń quqyqtary men bostandyqtaryn qorǵaýǵa kepil bolýǵa tıis. Sonymen qatar sot organynyń quqyqtyq ustanymdaryn dáıekti túrde iske asyrý mańyzdy.

Aıta ketelik Memleket basshysy Tájikstan Prezıdentine quttyqtaý jedelhatyn joldaǵan edi.