Prezıdent Kongo Afrıka qurlyǵyndaǵy Qazaqstannyń mańyzdy seriktesi sanaıtynyn aıtty
ASTANA.KAZINFORM — Qasym-Jomart Toqaev Kongo Respýblıkasynyń Prezıdenti Denı Sassý-Ngesso men onyń otandastaryn ulttyq meıramy — Táýelsizdik kúnimen quttyqtady. Bul týraly Aqorda málim etti.
Prezıdent elimiz Kongo Respýblıkasyn Afrıka qurlyǵyndaǵy mańyzdy seriktes sanaıtynyn atap ótti. Sonymen qatar birlesken kúsh-jigerdiń arqasynda yntymaqtastyq qos halyqtyń ıgiligi jolynda nyǵaıa beretinine senim bildirdi.
Qasym-Jomart Toqaev Denı Sassý-Ngessonyń jaýapty qyzmetine tolaıym tabys, dostas Kongo halqyna qut-bereke tiledi.
Aıta keteıik, buǵan deıin Prezıdent Úndistan Respýblıkasyn Táýelsizdik kúnimen quttyqtady.
