Prezıdent Konstıtýtsııalyq komıssııa men Jalpyulttyq Koalıtsııa múshelerine rızashylyǵyn bildirdi
ASTANA. KAZINFORM — Prezıdent Qasym-Jomart Toqaev Konstıtýtsııany qabyldaýǵa arnalǵan saltanatty jıyn barysynda Konstıtýtsııalyq reforma jónindegi komıssııa jumysyna joǵary baǵa berdi. Bul týraly Aqordanyń baspasóz qyzmeti málim etti.
— Osy oraıda, men Konstıtýtsııalyq reforma jónindegi komıssııanyń nátıjeli eńbegine aıryqsha toqtalǵym keledi. Komıssııa músheleri óte aýqymdy, tıimdi jumys atqaryp, memleket pen qoǵamnyń ózara senimi jáne seriktestigi asa mańyzdy ekenin aıqyn kórsetti. Jalpyulttyq koalıtsııa músheleri de qajyrly qyzmet etti. Olar jańa Konstıtýtsııanyń mán-mazmunyn jurtshylyqqa keńinen túsindirip, qajetti úgit-nasıhat jumysyn oıdaǵydaı atqardy. Búgin osy tarıhı sátke oraı, men Komıssııa quramynda bolǵan barsha azamatqa jáne Koalıtsııa múshelerine erekshe rızashylyǵymdy bildiremin. Elimizdiń ár aımaǵy, aýdany men qalasynda qoǵamdyq belsendiler, olardyń ishinde eriktiler, ıaǵnı volonterler joǵary azamattyq jaýapkershilik tanytyp, Halyq Konstıtýtsııasynyń qabyldanýyna zor úles qosty. Barshańyzǵa raqmetimdi aıtamyn, — dedi Memleket basyshysy.
Aıta keteıik, Prezıdent Qasym-Jomart Toqaev Konstıtýtsııany qabyldaýǵa arnalǵan saltanatty jıynǵa qatysyp, Qazaqstannyń jańa Konstıtýtsııasyn iske asyrý jónindegi sharalar týraly Jarlyqqa qol qoıdy.
