Prezıdent kómekshisi Aıda Balaeva SQO turǵyndaryn jeke qabyldaıdy
SQO ákimdiginiń aqparatyna sáıkes, A.Balaeva jurtshylyqpen 13 qyrkúıek kúni (saǵat 10.00-den bastap) «Nur Otan» fılıalynyń qoǵamdyq qabyldaýynda kezdesedi.
«Tolyq aqparatty 8 (7152) 34-02-04 telefon nómiri arqyly alýǵa bolady», - dedi ákimdikten.
Prezıdent kómekshisi buǵan deıin Qaraǵandydaǵy «Nur Otan» partııasy fılıalynda óńir halqyn qabyldaǵan bolatyn.
Eske salsaq, A.Balaeva Memleket basshysynyń Jarlyǵymen QR Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi bolyp bıylǵy 22 shildede taǵaıyndaldy.
Jańa qyzmetine kirisken alǵashqy úsh aptada ol 100-den astam adamdy jeke qabyldaǵanyn jazǵan edik. A.Balaevanyń aıtýynsha, halyqty tolǵandyratyn negizgi máseleler – turǵyn úı, bank nesıeleri, sot sheshimderi men quqyqqorǵaý organdarynyń áreketteri.
