Prezıdent: Qolymyzda salyqty tolyq tóleýden jaltaryp otyrǵan alpaýyttar jóninde málimetter bar

NUR-SULTAN. QazAqparat - Іri kompanııalardyń salyq tóleýi – kúrdeli másele. Bul týraly búgin QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Memleket basshysy elimizdiń bıznes ókilderimen kezdesýi barysynda iri kásiporyndardyń salyq tóleý jáne esep berý máselelerin retke keltirý qajettigi týraly aıtty.

«Іri kompanııalardyń salyq tóleýi – kúrdeli másele. Qolymyzda túrli sebepterdi syltaýratyp, salyqty tolyq tóleýden jaltaryp otyrǵan alpaýyttar jóninde arnaýly organdar usynǵan málimetter bar. Premer-Mınıstrge osy máseleni túbegeıli sheshýdi jáne qazynany tıesili qarajatpen qamtamasyz etýdi tapsyramyn», - dedi Qasym-Jomart Toqaev.