Prezıdent qoǵamnyń talap-tilegin eskerip otyr - Alýa Joldybalına

NUR-SULTAN. QazAqparat - Erordada Prezıdenttiń qatysýymen ótken Ulttyq keńes otyrysynda talqylanǵan máselelerge qatysty QSZI Áleýmettik-saıası zertteýler bóliminiń basshysy Alýa Joldybalına pikir bildirdi, dep habarlaıdy QazAqparat tilshisi.

«Búgin ótken ekinshi Ulttyq keńes otyrysy birinshi otyrys arasyndaǵy ýaqyt tyǵyz bolsa da árbir jumys toby óz baǵyttary boıynsha usynystaryn bergen. Sol usynystardyń basym bóligi reformalardyń qataryna kirgen. ıAǵnı, bul jumys osymen toqtap qalmaı, jalǵasyn tabady degendi bildiredi», - deıdi Alýa Joldybalına.

Onyń aıtýynsha, Prezıdent birqatar tapsyrma berý arqyly qoǵamnyń talap-tilekterin eskerip otyrǵanyn kórsetti.

«Saıası júıede »múddelerdiń artıkýlıatsııasy«, »múddelerdiń agregatsııasy« degen túsinik bar. ıAǵnı, saıası júıe ózin qorshaǵan qoǵamnan ártúrli ıpýls - talap-tilekter alady. Onyń bári jınalyp múddelerdiń artıkýlıatsyna aınalady. Mysaly, búgin Prezıdenttiń aıtqan tapsyrmalary, usynystary qoǵamdaǵy áleýmettik toptardyń, qoǵamdyq uıymdardyń, azamattyq qoǵam sektorynyń múddesin eskergenin kórsetedi», - deıdi ol.

Sondaı-aq, ol bılik ketken olqylyqtardan sabaq alǵanyn aıtty.

«Búgin Prezıdent saıası jańǵyrýǵa kóbirek toqtaldy. Bul - alǵashqy nátıje ǵana. Áleýmettik sala boıynsha aıtar bolsaq, kópbalaly otbasylarǵa tólemaqy kiriske baılanysty emes, balanyń sanyna baılanysty beriledi. Bul bıliktiń Ataýly áleýmettik kómek boıynsha ketken olqylyqtardan oı túıgendikterin, ustanymdaryn kórsetip otyr. Kez kelgen engizilgen jańǵyrtý ary qaraı ózgeredi, jańarady, sebebi bılik te ketken olqylyqtan qorytyndy shyǵaratynyn, ary qaraı jumys isteýge daıyn ekenin kórsetip otyr. Úkimetke atqarýshy bılik retinde kóp mindet, jaýapkershilik júkteledi. Barlyq reformalardy daıyndaǵan kezde zańnama daıyndap, is-sharalardy qamtyp, bıýdjetke ózgeris engizý kerek. Munyń bári úkimetke úlken mindet artylady degendi bildiredi», - deıdi bólim basshysy.