Prezıdent qoǵamdyq pikirge yqpal etetinderdiń esimderin jarııalaýdy talap etti
ASTANA. QazAqparat - Elbasy Nursultan Nazarbaev sot úderisi kezinde qoǵamdyq pikirge yqpal etetin adamdardyń esimderin jarııa etýdi talap etti.
Bul týraly Prezıdent Qazaqstan Respýblıkasy sýdıalarynyń VII sezinde aıtty, dep habarlaıdy QazAqparat.
"Bólek lobbıstik toptardyń múddesi úshin sotqa qysym kórsetý maqsatynda qoǵamdyq pikirge yqpal etý faktileriniń jolyn kesý kerek. ıAǵnı, osyndaı talpynystar bolsa, tıisti áreket jasaý qajet. Ondaılar bar jáne men ony bilemin. Óziniń múmkindigimen, baılanysymen, aqshasymen sotqa aralassa, ondaı adamdardy barsha Qazaqstan boıynsha kórsetý kerek. Sonymen qatar sýdıalyq qoǵamdastyq jabyq korporatsııa ispettes jáne qoǵamdastyq synnan tys bolmaýy tıis", - dedi Prezıdent.
Elbasynyń sózine qaraǵanda, sottar men quqyq qorǵaý organdaryna qoǵamdyq senimniń jetkiliksiz deńgeıi týraly qazaqstandyqtardyń joǵary turǵan memlekettik ınstantsııalardan bastap, Prezıdentke deıin jasap júrgen ótinishteri dálel bolyp otyr.
"Olarda sottardyń, quqyq qorǵaý organdarynyń sheshimine shaǵymdar qamtylǵan, al keıde sýdıalyq korpýs ókilderi men quqyq qorǵaýshylardyń adaldyǵyna, qııanatqa barmaıtyndyǵyna kúmánmen qaraıtyndyǵy jazylady. Tek ótken jyly Prezıdent Ákimshiligine azamattar men uıymdardan 10 myńǵa jýyq shaǵym tústi, bıyldyń 10 aıynda 7 myńǵa jetti. Sondyqtan da bir jaǵynan sot qatelikterine jol bermeý, al ekinshi jaǵynan ádil sottylyqty júzege asyrýda kez kelgen laýazymdy tulǵalardyń aralasýyn bolǵyzbaý qaǵıda turǵysynda mańyzdy", - dedi Memleket basshysy.
