Prezıdent qoǵamdyq jumysqa atsalysyp júrgen jastarǵa alǵys aıtty

ASTANA. KAZINFORM — Memleket basshysy Jasyl El uıymynyń belsendilerimen áńgimelesip, qoǵamdyq jumysqa atsalysyp júrgen jastarǵa alǵysyn bildirdi, dep habarlaıdy Aqordanyń baspasóz qyzmeti.

— Barshańyzǵa rızashylyǵymdy bildiremin. Bul — óte qajetti jumys. Elimiz ben halqymyz úshin kerek is. Sondyqtan Sizderge tabys tileımin. Іsterińiz sátti bolsyn. Eń aldymen nıetimiz taza bolýy kerek. Otanymyz úshin qyzmet etýge tıispiz. Jasyl El uıymynyń jumysyn qoldaımyn. Jumystaryńyz ózge jastarǵa ónege, olar Sizderden úlgi alady, — dedi Qasym-Jomart Toqaev.

Foto: Aqorda

Budan buryn Prezıdent Astana qalasyndaǵy Botanıkalyq saıabaqta erikti jáne belsendi jastarmen birge aǵash ekti.