Prezıdent qoǵam qaıratkeri Sultan Sartaevtyń otbasyna kóńil aıtty
NUR-SULTAN. QazAqparat - Qasym-Jomart Toqaev memleket jáne qoǵam qaıratkeri Sultan Sartaevtyń otbasyna kóńil aıtty, dep habarlaıdy QazAqparat Aqordaǵa silteme jasap.
Prezıdent Qasym-Jomart Toqaev kórnekti memleket jáne qoǵam qaıratkeri, tanymal ǵalym, Qazaqstan Ǵylym akademııasynyń akademıgi, zań ǵylymdarynyń doktory Sultan Sartaevtyń dúnıeden ótýine baılanysty onyń otbasy men jaqyndaryna kóńil aıtý jedelhatyn joldady.
– Sultan Sartaıulynyń dúnıeden ótýi týraly sýyt habardy kúızelispen qabyldadym. S.Sartaev Táýelsiz Qazaqstan Konstıtýtsııasynyń negizin qalaýshylardyń biri boldy. Elimiz egemendik alǵan tusta otandyq zańnamanyń qalyptasýyna, demokratııalyq qundylyqtardyń ornyǵýyna mol eńbek sińirdi. Sońyna jarqyn iz, óshpes mura qaldyrdy, – dep jazylǵan jedelhatta.
Qasym-Jomart Toqaev Sultan Sartaevtyń eline sińirgen eren eńbegin, ónegeli ómirimen halyqtyń shynaıy qurmetine ıe bolǵan jan ekenin, sondaı-aq, asyl azamattyń ómir joly keıingi urpaqqa úlgi bolatynyn atap ótken.
