Prezıdent Knıaz II Alberdi jáne Monako halqyn Ulttyq kúnimen quttyqtady

ASTANA. KAZINFORM — Memleket basshysy Monako Knıazine quttyqtaý jedelhatyn joldady, dep habarlaıdy Aqordanyń baspasóz qyzmeti.

Memleket basshysy jedelhatta Monako knıazdigi halyqaralyq arenadaǵy bedelin senimdi túrde nyǵaıtyp, biregeı mádenı murasyn saqtaý ári baıytý, sondaı-aq ornyqty damý, qarjyny jaýapty basqarý jáne qorshaǵan ortany qorǵaý modeli arqyly búkil álemge úlgi bolyp kele jatqanyn atap ótken.

— Qazaqstan Prezıdenti dostyq baılanystar men ózara túsinistikke negizdelgen ekijaqty yntymaqtastyq qos halyqtyń ıgiligi úshin aldaǵy ýaqytta da nyǵaıa túsetinine senim bildirdi. Memleket basshysy Knıaz II Alber men onyń otandastaryna baq-bereke tiledi, — delingen habarlamada.

Budan buryn Memleket basshysy Ózbekstan Prezıdentine alǵys aıtyp, hat joldaǵanyn jazǵan edik.