Prezıdent qyzmetinen merziminen buryn bosaǵanda saılaý kúnin Quryltaı jarııalaıdy
ASTANA. KAZINFORM – Prezıdent qyzmetinen merziminen buryn bosaǵanda saılaý kúnin Quryltaı jarııalaıdy. Bul týraly Konstıtýtsııalyq reformalar jónindegi komıssııanyń ekinshi otyrysynda Ádilet mınıstri Erlan Sársembaev aıtty.
Onyń aıtýynsha, Prezıdent laýazymynan merziminen buryn bosaǵan, shettetilgen nemese qaıtys bolǵan kúnnen bastap jeti kún ishinde Quryltaı Prezıdent saılaýynyń ótkiziletini týraly jarııalaıdy. Saılaý Quryltaı sheshimi qabyldanǵan kúnnen bastap eki aı ishinde ótkizilýi tıis.
— Prezıdenttik ókilettikterdiń merziminen buryn toqtatylý obektıvti túrde saıası júıe úshin eń sezimtal jaǵdaılardyń biri sanalady. Quryltaıdyń sheshim qabyldaý úshin naqty belgilengen merzim memlekettiń áreketteriniń jyldamdyǵyn jáne boljaýlylyǵyn qamtamasyz etedi. Saılaý jarııalaý úshin jeti kúndik merzim memlekettik konstıtýtsııalyq kepildik retinde qyzmet atqarady, protsesti sozýǵa jáne saıası maqsattarda paıda bolǵan kidiristi paıdalanýǵa jol bermeıdi, — dedi mınıstr.
Erlan Sársembaevtyń atap ótýinshe, Prezıdent saılaýy Quryltaı sheshim qabyldaǵan kúnnen bastap 2 aıdyń ishinde ótýi tıis.
- Mundaı merzim aqylǵa qonymdy ári teńgerimdi sanalady. Ol bir jaǵynan saılaý organy men kandıdattardyń saılaýǵa daıyndalýyna múmkindik beredi, ekinshi jaǵynan ókilettikterdi ýaqytsha atqarý rejıminde memlekettiń uzaq ýaqyt bolýyna jol bermeıdi, - dedi ol.
Buǵan deıin ol Prezıdentke qandaı laýazym ıelerin taǵaıyndaý quqyǵy beriletinin aıtqan edi.