12:48, 09 Mamyr 2025 | GMT +5
Prezıdent Qyzyl alańdaǵy paradqa qatysqan sarbazdarǵa qurmet kórsetti
MÁSKEÝ. KAZINFORM — Memleket basshysy Qyzyl alańdaǵy paradqa qatysqan Qazaqstan Qarýly Kúshteriniń sarbazdaryna qurmet kórsetti. Bul týraly Aqorda málim etti.
— Áskerı sherýge Qazaqstan Respýblıkasynan Keńes Odaǵynyń Batyry, general-maıor Ivan Panfılov atyndaǵy Desanttyq-shabýyldaý áskeri 37-shi brıgadasynyń jaýyngerleri qatysty. Saltanatpen sap túzegen qazaqstandyq 80 sarbazdy polkovnık Almas Tólegenov bastap júrdi, — delingen habarlamada.
Eske sala keteıik, Prezıdent Jeńistiń 80 jyldyǵyna arnalǵan is-sharalarǵa qatysý úshin Reseıge barǵanyn jazǵan edik.
Búgin Qasym-Jomart Toqaevty Vladımır Pýtın Kremlde qarsy alǵan bolatyn.