Prezıdent Qytaıda ózine dáris bergen professor Lıý Shıtsınmen kezdesti
Prezıdent Beıjiń lıngvıstıkalyq ınstıtýtynda taǵylymdamadan ótken kezinde ózine dáris bergen professor Lıý Shıtsınmen áńgimelesti, dep habarlaıdy Kazinform Aqordanyń baspasóz qyzmetine silteme jasap.
«40 jyldan keıin bilim alǵan ýnıversıtetime kelip, ózińizdi aman-saý kórgenime óte qýanyshtymyn. Men sizdiń eńbekqorlyǵyńyzdy, tabandylyǵyńyz ben erik-jigerińizdi erekshe baǵalaımyn. Sizdiń shákirtterge bergen bilimińizge baǵa jetpeıdi. Munyń bári sizdiń kásibıligińizdi, yjdaǵattylyǵyńyzdy jáne óz isińizge degen adaldyǵyńyzdy kórsetedi. Qurmetti demalysta ekenińizdi bilemin. Soǵan qaramastan, ýnıversıtettiń qoǵamdyq ómirine atsalysýdy jalǵastyryp, mádenıetaralyq baılanystardyń damýyna zor úles qosyp júrsiz», – dedi Memleket basshysy.
Qasym-Jomart Toqaev Lıý Shıtsınge alǵys aıtyp, oǵan zor densaýlyq pen uzaq ómir tiledi. Munan soń Memleket basshysyna ýnıversıtette oqyǵan kezindegi óziniń arhıv qujattaryn kórsetti.
Іs-shara sońynda Prezıdent Beıjiń Til jáne mádenıet ýnıversıtetine Ábý Nasyr Ál-Farabıdiń portretin syılap, osy oqý ornynda bilim alyp jatqan qazaqstandyq stýdenttermen áńgimelesti.
