Prezıdent kitapxanasynda «Idos» atty gıd-robot jumys istep júr
ASTANA. QazAqparat - QR Tuńǵysh Prezıdenti - Elbasy kitapxanasynda Astana kúnine arnalǵan merkelik onkúndik bastaldy. Sonyń aıasynda kórmeler, baıqaýlar men vıktorınalardy uıymdastyrý josparlanyp otyr, dep xabarlaıdy QazAqparat tilshisi.
Búginnen bastap kitapxanada qalanyń damý tarıxyna arnalǵan kórme jumys isteıdi. Ekspozıtsııaǵa 50-ge jýyq muraǵat materıaldary men fotoqujattar shyǵyryldy. Budan bólek, aldaǵy ýaqytta san alýan mádenı-buqaralyq sharalardy uıymdastyrylady. Dúısenbi, 3 shildede «Astana - Qazaqstannyń staregııalyq vektory» taqyrybynda «dóńgelek ústel» ótse, 4 shilde kúni balalarǵa arnalǵan «Juldyzdy qala» meıramy bolady. Sondaı-aq, kitapxananyń feısbýk paraqshasynda «Astana - EKSPO ordasy» atty vıktorına jarııalanady.
Atalǵan vıktorınanyń jeńimpazdary merekelik onkúndiktiń jabylý saltanatyna shaqyrylady. Sol jerde olarǵa baǵaly syılyqtar tabystalmaq. Jalpy, 1-10 shilde aralyǵynda kitapxanada taqyryptyq ekskýrsııalardy kóptep ótkizý josparlanǵan.
Merekelik dekadanyń salatanatty ashylýyna tanymal opera ánshisi Maıra Muxamedqyzy da qatysty. Óz sózinde ol kitap oqýdyń mańyzdylyǵyna erekshe toqtaldy.
«Qazir ınternettiń damyǵan zamany. Ony bárimiz jaqsy túsinemiz. Aqparattyń kóp bolǵany sonsha, bárin qabyldap úlgermeımiz. Degenmen, kitap oqýdy umytpaý qajet. Sebebi rýxanı baılyqtyń barlyǵy kitapta. Biz kitapty oqyp óstik. Sodan nár aldyq. Búgingi urpaq ta kitaptyń qundylyǵyn umytpasa eken deımiz», - dep atap kórsetti Maıra Muxamedqyzy.
Resmı sharadan keıin áýesqoı fotograftar baıqaýynyń qorytyndysy shyǵaryldy. Al «Idos» atty gıd-robot kelgen qonaqtar arasynda ıntellektýaldy vıktorınalardy uıymdastyrdy.
Aıta keteıik, búgingi sharaǵa QR Parlament Májilisiniń depýtaty Serik Sápıev te qatysty. QazAqparat tilshisine suxbat bergen Olımpıada chempıony Sápıev kásibı bokstaǵy taǵy bir sportshymyz Qanat Islamǵa promoýterdi aýystyrý qajettigin jetkizdi.
