Prezıdent qylmystyq zańnamany ońtaılandyrý máselelerine qatysty zańǵa qol qoıdy

ASTANA. KAZINFORM - Memleket basshysy «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń qylmystyq zańnamasyn ońtaılandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.

Bul týraly Aqordanyń baspasóz qyzmeti habarlady.

Zańmen Qylmystyq, Qylmystyq-protsestik, Qylmystyq-atqarý kodeksterine, «Neke (erli-zaıyptylyq) jáne otbasy týraly» kodeksine, «Jedel-izdestirý qyzmeti týraly», «Tólemder jáne tólem júıeleri týraly» jáne basqa da zańdarǵa túzetý engizildi.

Túzetýlerdiń birinshi blogy qylmystyq zańnamanyń turaqtylyǵyn qamtamasyz etedi.

Túzetýlerdiń ekinshi blogy qylmystyq zańnamany jetildirýdi jáne keıbir qoǵamdyq qaýipti áreketter úshin jaýapkershilikti arttyrýdy kózdeıdi.

Túzetýlerdiń úshinshi blogy qylmystyq protseste azamattardyń quqyqtaryn qorǵaýdy kúsheıtýge, qylmystyq protsesti ońtaılandyrýǵa baǵyttalǵan.

Túzetýlerdiń tórtinshi blogy qylmystyq-atqarý zańnamasyn jetildirýge arnalǵan. 

Zańnyń mátini baspasózde jarııalanady.

Osyǵan deıin Prezıdent kóppáterli turǵyn úılerdi basqarý júıesin jetildirýge baǵyttalǵan qujatqa qol qoıǵan bolatyn.