Prezıdent Ho-sýng Songty ІІ dárejeli «Dostyq» ordenimen marapattady
ASTANA. KAZINFORM — Memleket basshysy Qasym-Jomart Toqaev KIA Corporation prezıdenti Ho-sýng Songty ІІ dárejeli «Dostyq» ordenimen marapattady. Bul týraly Aqorda málim etti.
– Biz Sizdiń qazaq-koreı yntymaqtastyǵynyń damýyna, qos halyqtyń arasyndaǵy dostyqtyń nyǵaıýyna qosqan úlesińizdi joǵary baǵalaımyz. Shyn máninde, elimizdiń avtokólik salasyn damytýǵa sińirgen eńbegińiz mol, – dedi Prezıdent.
Eske sala keteıik, Memleket basshysy telekópir arqyly KIA Qazaqstan avtomobıl zaýytyn ashty.
Budan bólek, bilikti kadrlardy daıarlaý úshin kompanııa korporatıvtik oqý ortalyǵyn ashýdy josparlap otyrǵany beligili boldy. KIA osy arqyly qyzmetkerlerge qamqorlyq – uıym mádenıetiniń mańyzdy bólshegi ekenin kórsetedi. Bul shynaıy qurmet pen nıettestik ortasyn qalyptastyratyny aıtyldy.
Endi azamattarǵa avtokólikti lızıngpen alý múmkindigi usynylady.